Arsenal ekki í vandræðum með Villa
Setja bókamerki
Arsenal vann góðan 3:1 sigur á heimavelli gegn Aston Villa í fyrsta leik 9. umferðar ensku úrvalsdeildarinnar í knattspyrnu karla í kvöld.
Um miðjan fyrri hálfleikinn kom Thomas Partey heimamönnum yfir með skalla eftir hornspyrnu Emile Smith Rowe frá vinstri.
Í uppbótartíma fyrri hálfleiks fékk Arsenal svo dæmda vítaspyrnu eftir að Craig Pawson hafði ráðfært sig við VAR-skjáinn, þar sem hann komst að þeirri niðurstöðu að Matt Targett hefði fellt Alexandre Lacazette innan vítateigs.
Pierre-Emerick Aubameyang steig á vítapunktinn en Emiliano Martínez, fyrrverandi leikmaður Arsenal, varði frá honum. Því miður fyrir hann og sem betur fer fyrir Aubameyang barst boltinn beint til hans og náði hann að skora í annarri tilraun.
Staðan því 2:0 í hálfleik.
Snemma í síðari hálfleik skoraði Smith Rowe þriðja mark Arsenal eftir sendingu frá Aubameyang.
Seint í leiknum, á 82. mínútu, minnkaði Villa muninn. Hinn ungi og efnilegi Jacob Ramsey skoraði þá eftir sendingu Leon Bailey.
Það var þó um seinan fyrir gestina og flottur tveggja marka sigur Arsenal niðurstaðan.
„Okkur miðar í rétta átt“
„Það þarf að vinna mikinn fjölda upp“
Æskuvinur Íslendings myrtur í Noregi
Kostnaður meiri en milljón á fermetra
Tveir í bílnum sem lenti utan vegar
Skiptir miklu meira máli en fólk grunar
„Hvílir mikil leynd yfir þessu öllu“