Alexander hafði betur í toppslag Íslendinganna

Alexander Petersson skoraði tvö mörk fyrir Flensburg sem vann 32:29-útisigur á Magdeburg og endurheimti toppsætið í þýsku 1. deildinni í handknattleik í dag.

Magdeburg var ekki búið að tapa í síðustu 14 deildarleikjum sínum eða síðan á síðasta ári en gestirnir voru sterkari á lokakaflanum í dag. Með sigrinum tókst Flensburg að komast aftur á toppinn og hefur þar 36 stig en Kiel er í öðru sæti með 35 stig og Magdeburg í þriðja með 34 stig.

Ómar Ingi Magnússon var markahæstur heimamanna með sjö mörk, þar af þrjú úr vítum, en Gísli Þorgeir Kristjánsson er frá keppni vegna meiðsla.

• Blogga um frétt