Innlent

Þrír í annarlegu ástandi og fjórir handteknir vegna vímuaksturs

Hólmfríður Gísladóttir skrifar
Einn var handtekinn eftir snarpa eftirför.
Einn var handtekinn eftir snarpa eftirför. Vísir/Vilhelm

Fjórir voru handteknir á höfuðborgarsvæðinu í gær, grunaðir um akstur undir áhrifum. Í einu tilviki var ökumaður handtekinn eftir snarpa eftirför en í öðru voru maður og kona handtekinn, einnig grunuð um þjófnað og fleira.

Þrjár tilkynningar bárust lögreglu í gærkvöldi og nótt um einstaklinga í annarlegu ástandi og í einu tilvikana þurfti að kalla til sjúkrabifreið. Öll voru málin leyst án íþyngjandi aðgerða, segir í yfirliti frá lögreglu.

Tvær tilkynningar bárust er tengdust ungmennum; í öðru tilvikinu vegna óláta við verslunarmiðstöð og í hinu vegna utanvegaaksturs á skellinöðru. Þau ungmenni fundust hins vegar ekki.

Ein tilkynning barst um umferðaróhapp. Þar reyndist bifreið óökufær og ökumaður með smávægileg meiðsli. Hringt var á sjúkrabifreið.

Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið