Leikarinn Fritz Wepper, þekktur fyrir hlutverk sitt sem Harry Klein í sjónvarpsþáttunum Derrick, er látinn, 82 ára að aldri.
Susanne Kellermann, eiginkona hans, staðfesti þetta við þýska blaðið Bild og sagði hann hafa látist friðsamlega á sjúkrahúsi í Þýskalandi í morgun.
Í þáttunum Derrick, sem voru sýndir um árabil í Ríkissjónvarpinu, aðstoðaði Harry Klein lögregluforingjann Stephan Derrick við rannsókn ýmissa sakamála.