Gylfi Þór Þorsteinsson, teymisstjóri hjá Rauða krossinum, hefur tímabundið verið ráðinn af forsætisráðuneytinu til að leiða samhæfingu vegna Grindavíkur.
Þetta kemur fram í tilkynningu frá Stjórnarráðinu.
Mun hann meðal annars samhæfa samskipti og upplýsingagjöf til Grindvíkinga vegna jarðhræringa á Reykjanesi.
Gylfi Þór hefur víðtæka reynslu af flóknum og umfangsmiklum verkefnum. Má þar nefna móttöku flóttafólks frá Úkraínu, uppsetningu og rekstur farsóttarhúsa á tímum heimsfaraldurs kórónuveiru auk annarra starfa fyrir Rauða krossinn.