Innkalla mexíkóska kjúklingasúpu vegna glerbrots

Heilbrigðiseftirlit Reykjavíkurborgar og IMF ehf. hafa innkallað mexíkóska kjúklingasúpu í eins lítra umbúðum sem merkt er Krónunni vegna glerbrots sem fannst.

Í innköllun sem heilbrigðiseftirlitið sendi frá sér kemur fram að um sé að ræða súpur með framleiðsludag 6.11.2020 og að best fyrir dagsetning sé 06.03.2021. Varan var seld í verslunum Krónunnar.

Viðskiptavinum sem hafa keypt vöruna er bent á að neyta hennar ekki og farga eða skila henni í þeirri verslun þar sem hún var keypt. 

• Blogga um frétt