Argentínumaðurinn Enzo Fernández mun ekki leika meira með knattspyrnuliðinu Chelsea á tímabilinu vegna meiðsla.
Frá þessu greinir hinn áreiðanlegi Fabrizio Romano en búist er við því að Fernández geti tekið þátt í lokakeppni Ameríkubikarsins, Copa America, í Bandaríkjunum í sumar.
Fernández var lykilmaður er Argentína varð heimsmeistari í desember árið 2022. Í janúar 2023 gekk hann síðan til liðs við Chelsea frá Benfica á yfir 100 milljónir punda.
Hann hefur hins vegar ekki staðið undir nafni hjá Chelsea sem er í níunda sæti ensku úrvalsdeildarinnar.