Hinn 39 ára gamli knattspyrnumaður Zlatan Ibrahimovic verður áfram í herbúðum AC Milan á næstu leiktíð en samkvæmt Sky á Ítalíu hefur hann samþykkt eins árs framlengingu á samningi sínum við félagið.
Ibrahimovic mun þéna um sjö milljónir evra fyrir næstu leiktíð, en hann hefur skorað 15 mörk í ítölsku A-deildinni á tímabilinu. Þá sneri hann aftur í sænska landsliðið á dögunum í fyrsta skipti í fimm ár.
AC Milan er í öðru sæti deildarinnar, átta stigum á eftir Inter Mílanó sem er í kjörstöðu á toppnum.