Söngkonan Selena Gomez er sögð vera byrjuð að hitta nýjan mann, NBA-stjörnuna Jimmy Butler. Hin 28 ára gamla Gomez og hinn 31 árs gamli Butler eiga að hafa farið út að borða saman um miðjan nóvember.
Sambandið hefur ekki verið formlega staðfest en orðrómur um það hefur farið eins og eldur í sinu um samfélagsmiðla. Sjónarvottur segist hafa séð Gomez og Butler úti að borða saman á franska veitingastaðnum Lucien í New York að því er fram kemur á vef Daily Mail. Sjónarvotturinn gat ekki staðfest hvort um stefnumót væri að ræða.
Körfuboltastjarnan á eins árs gamla dóttur með fyrirsætunni Kaitlin Nowak. Allt virtist vera í lagi hjá þeim í október. Einhverjir tóku þó eftir því að Nowak er hætt að fylgja Gomez á Instagram.
Gomez hins vegar hefur verið með stjörnum á borð við Justin Bieber, Orlando Bloom og The Weeknd.