Manchester City er komið í undanúrslit enska bikarsins eftir stórsigur á B-deildarliðinu Burnley, 6:0, í átta liða úrslitum á Etihad-vellinum í Manchester í kvöld.
Norðmaðurinn Erling Braut Haaland heldur áfram að raða inn mörkum en hann gerði sína sjöttu þrennu á tímabilinu í leiknum. Þá er þetta í annað sinn í þessari viku sem hann skorar þrjú mörk eða fleiri í sama leiknum en hann skoraði fimm mörk gegn Dortmund í Meistaradeildinni í vikunni.
Argentínumaðurinn Julián Álvarez skoraði tvívegis fyrir City í leiknum og Englendingurinn ungi, Cole Palmer, skoraði eitt.
Jóhann Berg Guðmundsson lék fyrri hálfleikinn fyrir Burnley en staðan var 2:0 þegar hann fór af velli.
City er fyrsta liðið til að tryggja sér sæti í undanúrslitunum en á morgun kemur í ljós hvaða þrjú lið fylgja Englandsmeisturunum þangað.