Atletico Madrid vann gífurlega mikilvægan útisigur gegn Elche í spænsku La Liga í dag.
Marcos Llorente gerði eina mark leiksins í 0-1 sigri. Markið skoraði hann um miðbik síðari hálfleiks. Fyrr í leiknum hafði VAR dæmt mark Luis Suarez af vegna rangstöðu.
Heppnin var svo með Atletico í liði í uppbótartíma leiksins þegar heimamenn brenndu af vítaspyrnu.
Atletico, sem er í hörku toppbaráttu við Barcelona, Real Madrid og Sevilla, er á toppi deildarinnar með 76 stig. Real og Barca eru í öðru og þriðja sæti með 71 stig. Bæði eiga leik til góða. Sevilla er með 70 stig og á einnig leik til góða á Atletico.