Þrjú smit innanlands – öll í sóttkví
Ragnhildur Þrastardóttir
Setja bókamerki
Þrjú kórónuveirusmit greindust innanlands í gær og voru allir í sóttkví við greiningu, samkvæmt bráðabirgðatölum almannavarna. Eitt smit greindist á landamærum.
Tölur á Covid.is eru ekki uppfærðar um helgar og því hefur ekki verið gefið út hversu mörg sýni voru tekin í gær.
Fimm smit greindust innanlands á fimmtudag og voru þau einnig öll í sóttkví. Þá greindist ekkert smit á landamærum.
Á miðvikudag greindust tíu smit en sjö þeirra sem greindust voru í sóttkví við greiningu.
Reglugerð um sóttvarnaaðgerðir fellur úr gildi á miðvikudag
Fyrsta og öðru markmiði ríkisstjórnarinnar í afléttingaráætlun hvað bólusetningar varðar hefur verið náð. Annað markmiðið náðist á fimmtudag þegar 37,5% þjóðarinnar höfðu fengið að minnsta kosti einn skammt af bóluefni gegn Covid-19. Afléttingaráætlunin gerir ráð fyrir 20 til 200 manna samkomutakmörkunum í byrjun maí. Sóttvarnalæknir sagðist í vikunni stefna á að skila tillögum um áframhaldandi aðgerðir til heilbrigðisráðherra nú um helgina en gildandi reglugerð um sóttvarnaaðgerðir fellur úr gildi á miðvikudag, 5. maí næstkomandi.
Forsætisráðherra sagði í samtali við blaðamann í gær að faraldurinn væri enn lúmskur en stjórnvöld væru bjartsýn.
Fréttin hefur verið uppfærð
Vill hafa ungan ráðgjafa sér við hlið
Ísraelsher með stjórn á landamærum
Upphafsfasinn hættulegastur
Áfram í haldi grunaður um manndráp
Kjarnavopn úr greipum manna?
40 skjálftar í kvikuganginum
Innri endurskoðun gerir úttekt á máli olíufélaganna
Grindavíkurbær fækkar starfsfólki