Ernesto Valverde, Ralf Rangnick og Erik ten Hag eru enn á lista Tottenham yfir hugsanlega knattspyrnustjóra félagsins. Fabrizio Romano greinir frá þessu.
Stjóraleit félagsins hefur verið ansi skrautleg. Fyrr í sumar virtist Antonio Conte vera að taka við liðinu. Hann náði hins vegar ekki saman við félagið og ekkert varð úr því.
Næstur á blað var Paulo Fonesca. Viðræður við hann virtust vera á lokastigi þegar þeim skyndilega lauk.
Svo mætti Gennaro Gattuso í viðræður við félagið. Þeim viðræðum lauk þó eftir stuttan tíma.
Nú horfir félagið til Valverde, Rangnick og ten Hag. Staðan er þó sögð vera flókin.
,,Klikkað en kapphlaupið er enn í gangi,“ skrifaði Romano með færslu sinni um málið á Twitter.
Tottenham board back in contact with many candidates after Gattuso talks collapsed. ⚪️ #THFC
Ernesto Valverde new name approached – not advanced yet.
Ralf Rangnick and Erik ten Hag always been appreciated, both are in the list – but ‘complicated’.Crazy but… race still open.
— Fabrizio Romano (@FabrizioRomano) June 18, 2021