Sjómannadagshátíðin Sjóarinn síkáti, sem haldin hefur verið í Grindavík í rúman aldarfjórðung, verður haldin við Reykjavíkurhöfn í ár í ljósi aðstæðna í Grindavíkurbæ. Samkomulag þess efnis var handsalað um borð í Fjölni GK 157, sem liggur við höfnina á Granda, í gær.

Mikil spenna er fyrir hátíðinni sem hefur verið í undirbúningi frá því snemma árs, eða allt frá því að Aríel Pétursson, formaður Sjómannadagsráðs, hafði samband við Eggert Sólberg Jónsson, sviðsstjóra frístunda- og menningarsviðs Grindavíkur, og bauð Grindvíkingum að taka þátt í hátíðinni. Eggert segir Grindavíkurbæ ekki hafa þurft langan umhugsunarfrest enda rík hefð fyrir hátíðahöldum af tilefni sjómannadagsins í Grindavík.

Þar með voru Grindvíkingar gerðir að heiðursgestum sjómannadagsins í Reykjavík þetta árið og segir Aríel að öllu verði tjaldað til til að taka vel á móti heiðursgestunum sem fá nú heimaskjól fyrir Sjóarann síkáta við höfnina á Granda.

Tengdar fréttir

Raddir Grindvíkinga

„Okkur mun ekki bregða“

• Fannari líst ágætlega á aðgerðirnar
• Fann bein og tönn úr dýrum í sprungunni
• Vill sjá hleypt inn í bæinn sem fyrst
• Vantar fólk: „Þetta er gaman en það er ekki nóg“

» Fleiri tengdar fréttir