Tónlistarmaðurinn Marc Anthony mætti með nýja konu á rauða dregilinn þegar Billboard-tónlistarverðlaun voru veitt á fimmtudaginn. Sú heppna heitir Madu Nicola og er töluvert yngri en Anthony.
Hinn 53 ára gamli salsakóngur var meðal annars kvæntur Jennifer Lopez. Lopez er heldur betur búin að finna ástina í örmum Bens Afflecks og nú virðist barnsfaðir hennar og fyrrverandi eiginmaður einnig vera búinn að finna hamingjuna aftur.
Fjölmiðlar vestanhafs greina frá því að huldukonan heiti Madu Nicola en lítið annað er vitað um konuna. Hún birti mynd af sér á lokuðum instagramreikningi en förðunarfræðingur hennar endurbirti mynd af henni. Af myndunum af dæma er hún töluvert yngri en Anthony.