Níundi einstaklingurinn færður í varðhald
Setja bókamerki
Héraðsdómur Reykjavíkur úrskurðaði í dag karlmann á fimmtugsaldri í gæsluvarðhald til föstudagsins 26. febrúar í tengslum við morðið í Rauðagerði. Þetta kemur fram í tilkynningu lögreglu og segir þar að gæsluvarðhaldsúrskurðurinn sé á grundvelli rannsóknarhagsmuna.
Maðurinn er þannig níundi einstaklingurinn sem úrskurðaður hefur verið í gæsluvarðhald vegna málsins.
Í tilkynningunni segir einnig að lögregla geti ekki tjáð sig frekar um málið að svo stöddu og hefur ekki náðst í Margeir Sveinsson yfirlögregluþjón síðan um hádegisbil í dag.
Í gær voru tveir menn handteknir í tengslum við málið og lá ekki fyrir þá hvort farið yrði fram á gæsluvarðhald yfir þeim. Því má leiða að því líkur að öðrum manninum hafi verið sleppt en hinn settur í gæsluvarðhald. Þetta hefur þó ekki fengist staðfest.
Mennirnir í haldi lögreglunnar á Suðurnesjum
Vantar fólk: „Þetta er gaman en það er ekki nóg“
Kemur ekki til greina að semja við ESB
Tímaspursmál hvenær framleiðslu verði hætt
Húsnæðisstuðningur framlengdur til áramóta
Segir forseta þingsins segja ósatt frá fundinum