Björk Jakobsdóttir setti færslu á Facebook í gær þar sem hún gerir góðlátlegt grín að ákvörðun sinni og Gunnars Helgasonar að gifta sig á þjóðhátíðardegi Íslendinga, 17. júní. Í færslunni óskar hún eiginmanni sínum, Gunnari, til hamingju með brúðkaupsafmælið og birtir mynd af Gunnari ásamt Felix Bergssyni þar sem þeir eru kampakátir með Storytell-verðlaunin sín. En Björk segir í færslunni:
„Til hamingju með brúðkaupsafmælið Gunnar Helgason elsku eiginmaður. Mikið hefur verið gott að skokka lífshlaupið með þér. Ein af fáum mistökum okkar var val á brúðkaupsdegi. Ég bið að heilsa Felix.“
Við óskum þessum yndislegu og síkátu hjónum til hamingju með brúðkaupsdaginn í gær. Það hefur verið í nógu að snúast hjá Gunnari en á dögunum kom kom út barnabókin Palli Playstation eftir hann en bókin er framhald af Stellubókunum vinsælu.