Starfsmaður á bráðamóttöku Landspítalans greindist í gær smitaður af Covid-19. Þetta staðfestir Hildur Helgadóttir, verkefnastjóri farsóttarnefndar Landspítalans, í samtali við mbl.is. Starfsmaðurinn var í vinnusóttkví, en hann hafði komið erlendis frá úr fríi viku áður en hann greinist.

„Viðkomandi starfsmaður var búinn að skila neikvæðu sýni eftir heimkomuna, en var þá í vinnusóttkví alla vikuna,“ segir Hildur. Um 100 manns eru nú komnir í vinnusóttkví vegna smitsins og verður sá hópur skimaður tvisvar sinnum fyrir sýkingu meðan á henni stendur.

Hildur Helgadóttir, verkefnastjóri farsóttarnefndar Landspítalans. Ljósmynd/Brynjar Gauti

Grímuskylda var hert á Landspítalanum í gær eins og mbl.is greindi frá, en Hildur segir starfsmenn einnig duglega við þrif og allt sé sprittað í bak og fyrir. Þeir sem eru í vinnusóttkví mega mæta til vinnu, en þurfa að vera með grímu öllum stundum og gæta fyllstu varúðar. Þá eru tilmæli til allra þeirra sem eru í slíkri sóttkví á spítalanum að fara varlega utan vinnu.

„Í raun og veru myndi ég vilja biðla til alls okkar starfsfólks að fara varlega utan vinnu,“ segir Hildur.

Frétt af mbl.is

„Staðan er mikil vonbrigði“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt