Heiðdís Lillýjardóttir, miðvörður Íslandsmeistara Breiðabliks, var besti leikmaðurinn í elleftu umferð úrvalsdeildar kvenna í fótbolta sem leikin var í fyrrakvöld, að mati Morgunblaðsins.
Heiðdís skoraði tvö af fyrstu þremur mörkum Breiðabliks í 7:2 sigri á ÍBV á Kópavogsvelli og fékk tvö M fyrir frammistöðu sína.
Heiðdís er í fyrsta sinn í liði umferðarinnar á þessu keppnistímabili, eins og fjórir aðrir leikmenn. Hinir sex leikmennirnir hafa verið valdir áður og Áslaug Munda Gunnlaugsdóttir úr Breiðabliki oftast þeirra en hún er í liði umferðarinnar í sjötta skipti á þessu ári.
Lið umferðarinnar má sjá í Morgunblaðinu sem kom út í morgun.