MAX-vélarnar fá grænt ljós í Bandaríkjunum

Tryggvi Páll Tryggvason skrifar 18. nóvember 2020 13:04

Þrjár af þeim 737-MAX vélum sem Icelandair átti að fá frá Boeing hafa meðal annars verið geymdar á þessu bílastæði í grennd við verksmiðju Boeing við Seattle í Bandaríkjunum. Getty/David Rider

Bandarísk flugmálayfirvöld hafa aflétt nærri tveggja ára löngu flugbanni á Boeing 737 MAX flugvélarnar. Afléttingin gildir um Bandaríkin.

Flugmálayfirvöld um allan heim settu flugvélarnar í flugbann eftir tvö mannskæð flugslys í Indónesíu og Eþíópíu árið 2019 sem alls kostuðu 365 manns lífið. Flugslysin voru meðal annars rakin til hönnunar vélanna sem voru fyrst settar á markað árið 2017.

Bandaríska flugmálastofnunin hefur gefið út flughæfnisvottorð fyrir flugvélarnar sem þýðir að brátt munu þær geta snúið aftur í loftið. Fjölmörg flugfélög hafa mátt þolað talsvert tjón vegna flugbannsins, þar á meðal Icelandair sem hafði tekið þrjár slíkar vélar í notkun, og alls er gert ráð fyrir tólf slíkum vélum í flota flugfélagsins.

Boeing hefur að undanförnu unnið að því með yfirvöldum í Bandaríkjunum að vinna að endurbótum á flugvélinni og munu bandarísk flugfélög geta tekið vélina aftur í notkun eftir að búið er að uppfylla þær kröfur sem settar eru fram af flugmálayfirvöldum, þar með talið hugbúnaðaruppfærsla og þjálfun flugmanna.

Aðeins er búið að afnema flugbannið í Bandaríkjunum og ekki liggur fyrir hvenær flugmálayfirvöld í öðrum ríkjum taki sömu skref og flugmálayfirvöld í Bandaríkjunum.

Fréttir af flugi Boeing Icelandair Bandaríkin

Tengdar fréttir

Vonar að MAX-þoturnar fari í loftið í febrúar og trúir því að fólk muni treysta þeim

Flugrekstrarstjóri Icelandair vonar að fyrsta ferðin með MAX-þotu verði farin í febrúar. Forstjóri Flugöryggisstofnunar Evrópu býst við grænu ljósi í lok þessa árs.

16. október 2020 18:40

Þoturnar voru 36 í fyrra, núna duga 2-3 til að flytja farþegana

Icelandair er að taka sextán Boeing 757 þotur úr notkun um þessar mundir. Níu þeirra fara til geymslu í bandarískri eyðimörk en hinar verða seldar eða rifnar í varahluti, meðal annars í Keflavík.

9. október 2020 22:00

Fjórar Boeing 757 þotur Icelandair sendar í niðurrif á næstu vikum

Icelandair hefur ákveðið að senda fjórar af Boeing 757 þotum sínum í niðurrif á næstu vikum. Var fyrstu vélinni flogið frá Keflavíkurflugvelli nú fyrir hádegi til Kansas í Bandaríkjunum í þessu skyni.

8. október 2020 10:08

Icelandair reiknar með að vera komið á sléttan sjó eftir fjögur ár

Áætlanir Icelandair gera ráð fyrir að félagið verði komið í svipaða stöðu og það var í á þar síðasta ári og í fyrra eftir fjögur ár. Forstjórinn er bjartsýnn á allt að tuttugu og þriggja milljarða hlutafjáraukningu sem samþykkt var á hluthafafundi í dag.

9. september 2020 18:31

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.