Douglas Pereira fyrrum varnarmaður Barcelona hefur verið handtekinn í heimalandi sínu eftir að hafa skotið úr byssu á bílastæði.
Atvikið átti sér stað í höfuðborg Brasilíu í lok apríl en Pereira er 32 ára gamall.
Pereira hafði verið að hella áfengi í sig um borð í bát en lenti í rifrildum og yfirgaf hópinn sem hann var með.
Pereira gekk eftir það í gegnum skóg en endaði á íþróttasvæði. Hann var beðin um að yfirgefa svæðið þar eftir ógnandi hegðun.
Næst gekk Pereira út á bílastæði og byrjaði að skjóta úr byssu sinni upp í loftið. Málið er á borði yfirvalda.
Pereira er án félags eftir að samingur hans við Besiktas í Tyrklandi rann út á síðasta ári. Hann gekk í raðir Barcelona árið 2014 frá Sao Paulo en lék aðeins átta leiki á fimm árum.
Á þeim árum var hann meðal annars lánaður til Sporting Gijon, Benfica og Sivasspor.