Sex íslenskir starfsmenn Jarðborana á Asoreyjum, sem og þarlendur samstarfsmaður þeirra, hafa greinst með Covid-19. RÚV greinir frá þessu.
Hinir smituðu eru um þriðjungur þeirra starfsmanna Jarðborana sem vinna að verkefni á eyjunum en starfsmennirnir eru alls um tuttugu talsins. Smit byrjuðu að greinast sl. þriðjudag.
Öll smitin sem greinst hafa eru á meðal starfsfólks á næturvakt.