ÍBV vann Tindastól á heimavelli í 12. umferð Pepsi Max-deildar kvenna í dag.
Aldís María Jóhannsdóttir kom gestunum yfir á 22. mínútu leiksins.
Eftir hálftíma leik jafnaði Þóra Björg Stefánsdóttir fyrir Eyjakonur.
Staðan í hálfleik var jöfn.
Sigurmarkið kom svo á 58. mínútu. Það skoraði Olga Sevcova fyrir ÍBV. Lokatölur 2-1.
ÍBV er í fimmta sæti deildarinnar með 16 stig eftir tólf leiki.
Nýliðar Tindastóls eru í áttunda sæti með 11 stig eftir jafnmarga leiki. Þær eru 2 stigum fyrir ofan Keflavík og Fylki, sem eru í fallsætum, en síðarnefndu liðin eiga leik til góða.