Þriðjung þeirra 2.900 smita sem greinst hafa í þriðju bylgju kórónuveirufaraldursins má rekja til þriggja hópsýkinga á höfuðborgarsvæðinu. 420 smitanna hafa verið rakin beint eða óbeint til Hnefaleikafélags Kópavogs. Þar kom upp hópsýking í byrjun október.
Þetta kemur fram í svari Jóhanns K. Jóhannssonar, samskiptastjóra almannavarnadeildar ríkislögreglustjóra, við fyrirspurn Vísis.
Um 350 smit má rekja beint eða óbeint til hópsýkingar sem kom upp í miðbæ Reykjavíkur föstudaginn 11. september. Hópsýkingin tengist skemmtistöðunum Irishman Pub og Brewdog.
Þá má rekja um 200 smit til hópsýkingar sem kom upp á Landakoti.