Tuttugasta kjördæmisþing Kjördæmissambands Framsóknarfélaganna í Suðurkjördæmi (KSFS) var haldið á fjarfundi fimmtudaginn 22. október.

Skráðir fulltrúar í þinginu voru rúmlega hundrað og fór þingið vel fram við óvenjulegar aðstæður, að því er fram kemur í tilkynningu frá sambandinu.

Á þinginu var tillaga stjórnar um að lokað prófkjör verði haldið til að velja á lista Framsóknarflokksins í Suðurkjördæmi fyrir næstu alþingiskosningar samþykkt með 78% atkvæða.

„Kosið verður um sex efstu sæti listans í Suðurkjördæmi samkvæmt reglum flokksins þar um. Kjördagur verður laugardagurinn 10. apríl 2021 og rétt til atkvæðagreiðslu eiga flokksbundnir framsóknarmenn sem eiga lögheimili í kjördæminu 30 dögum fyrir prófkjörsdag,“ segir í tilkynningu.

Reynt að kjósa með rafrænum hætti

Á þinginu var jafnframt samþykkt tillaga frá Jóni Gautasyni formanni Guðna, félags ungra Framsóknarmanna í Árnes- og Rangárvallasýslu, um að leitað yrði leiða til að hægt verði að kjósa með rafrænum hætti í prófkjörinu.

Björn Harðarson var endurkjörinn fomaður KSFS á þinginu en auku hans skipa stjórn þau Magnea Herborg Björnsdóttir, Gunnlaugur Hreinsson, Gissur Jónsson, Jóhanna Ýr Jóhannsdóttir, Kristján Sigurður Guðnason og Guðrún Sigríður Briem.

Í kjörstjórn KSFS fyrir prófkjörið voru kjörin Magnea Herborg Björnsdóttir formaður, Karl Pálmason, Reynir Arnarson, Sigrún Þórarinsdóttir, Friðrik Björnsson, Gissur Jónsson og Hafdís Hrönn Hafsteinsdóttir.

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• Blogga um frétt