Þórdís Eva Steinsdóttir úr FH varð í dag Íslandsmeistari í sjöþraut en Meistaramóti Íslands í fjölþraut lýkur á Kópavogsvelli í dag.
Þórdís Eva fékk samtals 4.670 stig en í fyrra fékk hún 4.718 stig sem er hennar besti árangur til þessa í þraut.
Kristín Birna Ólafsdóttir Johnson úr ÍR keppti einnig í sjöþrautinni en náði ekki að ljúka henni. Kristín gat verið með í fyrstu fjórum greinunum en eftir það fékk Þórdís ekki samkeppni. Kristín vann fyrstu greinina og keppnin var í járnum eftir þrjár greinar.
Árangur og stig Þórdísar í einstökum greinum:
100 metra grindahlaup: 15,38 sekúndur, 762 stig.
Hástökk: 1,68 metrar, 830 stig.
Kúluvarp: 9,75 metrar, 513 stig.
200 metra hlaup: 25,42 sekúndur, 849 stig.
Langstökk: 5,24 metrar, 626 stig.
Spjótkast: 30,25 metrar, 481 stig.
800 metra hlaup: 2:36,90 mínútur, 609 stig.