Þrjátíu og níu mál komu inn á borð til lögreglunnar á Norðurlandi eystra í nótt. Þar af eru fjórtán mál sem varða foktjón, en tilkynningar um foktjón eru enn að berast, að því er fram kemur á facebooksíðu lögreglunnar.

Appelsínugul veðurviðvörun er í gildi á Norðurlandi eystra og óvissustig vegna úrkomu. Á Akureyri er enn töluverður vindur eftir nóttina og virðist vera að bæta vel í úrkomu.

Lögregla beinir þeim tilmælum til fólks að vera ekki á ferðinni að óþörfu og huga að lausamunum.

Tveir einstaklingar gistu fangageymslur lögreglunnar á Akureyri í nótt, annar vegna gruns um heimilisofbeldi og hinn vegna hættulegrar líkamsárásar. Gert er ráð fyrir að þeim verði sleppt úr haldi eftir skýrslutökur.

Tengdar fréttir

Fyrsta haustlægðin

Sitja uppi með að skulda heilan bíl

• Páll Helgi sökk í Stykkishólmi og verður fargað
• Verður endurreist á nýjum stað
• Tilkynnt tjón nema tugum milljóna
• Tré liggja „þvers og kruss“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Íslendingurinn: Þetta reddast, - látum á það reyna.