Á sjötta tímanum í gær var tilkynnt um þjófnað á rafskútu úr verslun í Reykjavík. Á upptökum öryggismyndavéla sást maður stela rafskútunni. Sá var handtekinn skömmu eftir miðnætti vegna gruns um að hann væri að aka bifreið undir áhrifum fíkniefna en auk þess er hann sviptur ökuréttindum. Í bifreið hans var fyrrgreind rafskúta. Maðurinn er einnig grunaður um að hafa stolið fantaði frá hótelgesti í Bústaðahverfi og munum úr búningsklefa fyrirtækis í sama hverfi. Hann var vistaður í fangageymslu.
Síðdegis í gær var tilkynnt um innbrot í íbúð í Hafnarfirði. Þar var verðmætum stolið.
Á áttunda tímanum í gærkvöldi varð umferðaróhapp í Breiðholti. Bifreið og rafskúta lentu þar saman. Ökumaður rafskútunnar fann til eymsla í fæti og ætlaði sjálfur á slysadeild. Skömmu áður varð umferðaróhapp í Kópavogi. Enginn meiddist en tjónvaldurinn er grunaður um ölvun við akstur.
Tveir ökumenn voru handteknir grunaðir um að vera undir áhrifum áfengis og/eða fíkniefna.