Rússar vilja svar við kröfum sínum
Setja bókamerki
Tengdar fréttir
Úkraína
Úkraínudeilan var eina umræðuefnið á fundi utanríksráðherra Rússlands og Bandaríkjanna, Sergei Lavrov og Antony Blinken, í Genf í Sviss í dag.
Báðir sögðu þeir við fjölmiðlamenn að fundi loknum að um hreinskilnar umræður hafi verið að ræða.
Aðeins ellefu dagar eru liðnir síðan fulltrúar utanríkisráðherrann hittust síðast í Genf.
Þar samþykktu fulltrúarnir að halda áfram viðræðum vegna tuga þúsunda hermanna sem Rússar hafa stillt upp við úkraínsku landamærin.
Rússnesk stjórnvöld kröfðust þess í morgun að hersveitir NATO yfirgefi Rúmeníu og Búlgaríu, sem hluta af þeim kröfum sem þeir hafa sett fram gagnvart bandlagi ríkja sem Bandaríkin leiða.
Lavrov sagðist vonast eftir skriflegu svari Bandaríkjamanna við kröfum Rússa að fundi loknum.
Blinken hvatti Rússa til að hætta að ógna Úkraínu og sagði að vegna þeirra tugi þúsunda hermanna sem Rússar hafa stillt upp við úkraínsku landamærin gætu þeir ráðist þar inn úr suðri, austri og norðri.
Hann sagði enn fremur að hann vissi að stjórnvöld í Moskvu gætu gripið til annarra aðgerða en innrásar og minntist í því samhengi á netárásir.
Tengdar fréttir
Úkraína
Kvikan virðist nú skiptast til helminga
Ísraelar hefna árásarinnar
Færa slökkviliðið til nútímans
Ofsóttur innan veggja Boeing
Segjast hafa skotið niður langdræga sprengjuvél
Þrjú og hálft ár fyrir skotárás í Úlfarsárdal