Slökkvilið höfuðborgarsvæðisins hefur biðlað til ferðalanga að fara varlega með gas og rafmagnstengingar í ferðavögnum. Eldur kviknaði í tveimur hjólhýsum í gær.
Fram kemur á Facebook-síðu slökkviliðsins að gærdagurinn hafi verið heldur rólegur. Slökkviliðið sinnti 84 sjúkraflutningum, þar af 14 forgangsverkefnum og 14 flutningum vegna Covid-19.
Dælubílar hafi farið í alls þrjú útköll og voru tvö þeirra vegna áðurnefndra hjólhýsa sem bæði voru mannlaus.