Skagamenn björguðu sér fyrir horn á heimavelli gegn Aftureldingu í Lengjudeild karla í fyrradag. Farið var yfir málið í markaþætti Lengjudeildarinnar í gær
Arnór Gauti Ragnarsson skoraði fyrra mark leiksins en Sævar Atli Hugason fékk rautt spjald í leiknum. Sigurður Hjörtur Þrastarson dæmdi leikinn.
Mjög umdeilt atvik og Helgi Fannar Sigurðsson stjórnandi markaþáttarins var ekki sáttur að sjá atvikið.
„Þetta er að mínu viti kjaftæði,“ sagði Helgi Fannar.
Sérfræðingurinn Hrafnkell Freyr segir að flestir séu á sama máli um að Sigurður Hjörtur hafi gert mistök þarna.
„Ég ræddi við góða menn í gær, þar á meðal dómara. Það væru flestir á því eins og ég að þetta væri ekki rautt spjald,“ sagði Hrafnkell Freyr um stöðu mála.
„Þegar það er verið að spila á svona völlum þá verða tæklingarnar oft skrýtnar þegar menn renna.“ bætti Hrafnkell einnig.
Hlynur Sævar Jónsson skoraði jöfnunarmark ÍA á 94 mínútu. Afturelding með sjö stig eftir þrjá leiki en ÍA með tvö stig.
Umræðuna má sjá hér að ofan.