Fara í saumana á fyrsta stóra tölvuleiknum á árinu

Í nýj­asta þætti Tölvu­leikja­spjalls­ins ræða þátta­stjórn­end­urn­ir Arn­ór Steinn Ívars­son og Gunn­ar Björns­son fyrsta stóra leik­inn sem kom út á þessu ári, For­s­poken frá Square Enix.

Tölvu­leik­ur­inn For­s­poken snýr að mestu um æv­in­týra­ferð Frey í fal­lega en grimmd­ar­lega æv­in­týra­land­inu At­hiu. Frey er ung stelpa frá Nýju Jór­vík (e. New York) sem upp­götv­ar að hún sé gædd töfra­hæfi­leik­um en þeir spila þeir stórt hlut­verk í æv­in­týra­sögu henn­ar.

Tal­ar við arm­bandið sitt

Frey er knú­in til þess að frelsa fólk frá ban­vænni bölv­un og seiðkerl­ing­um, berj­ast við skrímsli og fleira á meðan hún kann­ar lands­svæðin og nátt­úruperlurn­ar í At­hiu. Hún legg­ur þó ekki ein í þessa ferð þar sem sam­ferða henni er talandi arm­bandið henn­ar, Cuff.

Arn­ór Steinn og Gunn­ar fara í saum­ana á þess­um leik í Tölvu­leikja­spjall­inu og er hægt að horfa á þátt­inn hér fyr­ir neðan. Eins er hægt að hlusta á hann öll­um helstu hlaðvarps­veit­um, eins og Spotify.

• Blogga um frétt