Myndband af hersýningu norður kóreskra hermanna gengur nú um á samfélagsmiðlum þar sem það hefur vakið mikla athygli, og óhug.
Í myndbandinu má sjá hermennina brjóta múrsteina með berum höndum, láta kollega sína lemja á líkömum sínum með sleggjum og brjóta þannig þykkar steinplötur, menn liggja á glerbrotum á meðan lamið er í þá að ofan með sleggju og menn beygja beittar stálstangir með berum hálsum sínum. Myndbandið má sjá hér að neðan, á Twitter síðu blaðamannsins Martyn Williams, en hann hefur sérhæft sig í fréttaflutningi af hinu einangraða kommúnistaríki Norður Kóreu.
This demonstration at the Defence Development Exhibition was bit intense. Video broadcast today on North Korean TV. pic.twitter.com/zehpI6EAEd
— Martyn Williams (@martyn_williams) October 12, 2021
Norður Kórea er einangraðasta ríki heims og fréttaflutningur þaðan af skornum skammti. Þá hefur oft verið talið að lítið sé að marka upplýsingar sem berast þaðan, hið minnsta frá opinberum fjölmiðlum í landinu. Gríðarleg örbirgð er í landinu og það eitt það fátækasta í heimi. Það hefur hins vegar ekki stöðvað stjórnendur kommúnistaflokksins í því að kom sér upp einum fjölmennasta her heims.