Íslenska knattspyrnukonan Heiðdís Lillýardóttir hefur skrifað undir samning við svissneska liðið Basel. Þetta tilkynnir félagið með yfirlýsingu á heimasíðu sinni.
Samningur Heiðdísar við Basel gildir til sumarsins 2025 en hún gengur til liðs við félagið frá Breiðabliki þar sem hún varð í tvígang Íslandsmeistari.
Þá var Heiðdís einnig á mála hjá portúgalska stórliðinu Benfica á sínum tíma en þangað var hún lánuð í upphafi árs 2022.
Heiðdís er uppalinn hjá Hetti frá Egilstöðum og þar steig hún sín fyrstu skref í meistaraflokksbolta. Árið 2015 kom svo kallið frá Selfyssingum og spilaði Heiðdís þar árunum 2015-2016 áður en hún skipti loks yfir til Breiðabliks.
Sem miðvörður að upplagi hefur Heiðdís spilað 126 leiki í efstu deild hér á landi, þá á hún að baki yfir 280 meistaraflokksleiki sem og landsleiki fyrir yngri landslið Íslands.
Von der grössten Vulkaninsel der Erde ans Rheinknie: Innenverteidigerin Heiddis Lillyardottir wechselt vom isländischen Erstligisten Breidablik Kópavogur zum FC Basel 1893 ✍️ #FCBasel1893 #FCBasel1893Frauen #MirSinBasel #rotblaulivehttps://t.co/tPsrztdEVv
— FC Basel 1893 (@FCBasel1893) February 2, 2023