Smitrakning vegna kórónuveirusmits sem kom upp á Austurlandi í gær gengur vel að sögn Rögnvaldar Ólafssonar aðstoðaryfirlögregluþjóns á upplýsingafundi almannavarna í dag.
Hinn smitaði tengist tveimur grunnskólum á Egilsstöðum, Egilsstaðaskóla og Fellaskóla, og af þeim sökum fellur skólahald þar niður í dag.
Rögnvaldur sagði á upplýsingafundinum að það ætti eftir að skýrast hvort um hópsmit sé að ræða.