fbpx
Fimmtudagur 16.maí 2024
Fréttir

Meinað að fara heim til sín eftir hrottalega nauðgun á Suðurnesjum

Heimir Hannesson
Mánudaginn 20. september 2021 17:31

mynd/Lögreglan á Suðurnesjum

Ekki missa af Helstu tíðindum dagsins í pósthólfið þitt

Lesa nánar

Landsréttur staðfesti í dag úrskurð héraðsdóms um að erlendur karlmaður sæti farbanni vegna rannsóknar lögreglunnar á Suðurnesjum á nauðgun í umdæminu í maí á þessu ári.

Í úrskurðinum kemur fram að umrædd nauðgun hafi verið tilkynnt til lögreglu 13. maí þessa árs. Kvaðst brotaþoli ekki vita hverjir hafi verið að verki, en hún sagðist þá hafa farið með manni sem hún hitti á skemmtistað heim til hans þar sem henni hafi svo verið nauðgað. Segir í úrskurðinum að þegar umræddur karlmaður hafi lokið sér af hafi hann þá kallað á annan mann og sagt honum að brjóta einnig á konunni kynferðislega, sem hann hafi þá gert.

Konan gat bent lögreglu á að hún hafi gengið með öðrum manninum út af skemmtistaðnum og má lesa úr lýsingu í úrskurði Héraðsdóms að lögreglan hafi komist á slóð mannsins með því að skoða myndbandsupptökur og jafnvel kreditkortafærslur af skemmtistaðnum þetta kvöld.

Í húsleit sem framkvæmd var á heimili mannsins fannst ýmislegt sem benti til þess að konan hafi verið þar stödd þetta kvöld auk þess sem ummerki eftir kannabisræktun fundust.

Maðurinn var fyrst handtekinn síðdegis þann 16. maí og sætti gæsluvarðhaldi í þrjá daga en hann hefur síðan þá sætt farbanni. Fyrst til 16. júní, svo til 16. september og nú til 11. nóvember. Hinn maðurinn sem grunaður er um að hafa nauðgað konunni sætir nú einnig farbanni. Mennirnir eru báðir erlendir ríkisborgarar og því talin hætta á að þeir kunni að reyna að koma sér undan saksókn sé ferðafrelsi þeirra ekki takmarkað með farbanni.

Fram kemur einnig að rannsókn lögreglu miðar vel, en beðið er eftir niðurstöðum úr DNA rannsókn á lífsýnum.

Úrskurðinn má sjá í heild sinni hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 14 klukkutímum

Jóhanna Vigdís fær á baukinn eftir viðtal við Höllu Hrund: „Furðulegar spurningar satt að segja“

Jóhanna Vigdís fær á baukinn eftir viðtal við Höllu Hrund: „Furðulegar spurningar satt að segja“
Fréttir
Fyrir 15 klukkutímum

Keypti yfirgefna geymslu og fékk áfall þegar hann sá hvað var í henni

Keypti yfirgefna geymslu og fékk áfall þegar hann sá hvað var í henni
Fréttir
Fyrir 16 klukkutímum

Atvik sem fór framhjá flestum í gær – Trompaðist gjörsamlega þegar hann var tekinn af velli

Atvik sem fór framhjá flestum í gær – Trompaðist gjörsamlega þegar hann var tekinn af velli
Fréttir
Í gær

Risabótakröfur fyrir að svipta foreldri umsjón með barni sínu

Risabótakröfur fyrir að svipta foreldri umsjón með barni sínu
Fréttir
Í gær

Hilmar segir Íslendinga sýna dómgreindarbrest: „Getum ekki átt von á neinu góðu frá Rússum í framhaldinu“

Hilmar segir Íslendinga sýna dómgreindarbrest: „Getum ekki átt von á neinu góðu frá Rússum í framhaldinu“