Knattspyrnukonan Vivianne Miedema, hinn mikli markahrókur enska úrvalsdeildarliðsins Arsenal og hollenska landsliðsins, hefur skrifað undir nýjan eins árs samning við Lundúnafélagið.
Samningur hennar var að renna út í sumar og hafði spænska stórliðið Barcelona sýnt henni mikinn áhuga auk þess sem franska stórliði París Saint-Germain hafði einnig áhuga.
Miedema ákvað hins vegar að halda kyrru fyrir og verður því að minnsta kosti í sex ár hjá liðinu, en hún kom til Arsenal frá Bayern München sumarið 2017.
Hún hefur alls skorað 117 mörk í 144 leikjum í öllum keppnum fyrir Arsenal og unnið ensku úrvalsdeildina einu sinni og ensku bikarkeppnina einu sinni.
Þá hefur Miedema skorað 92 mörk í 108 landsleikjum fyrir Holland.
Expect the unexpected 👀
— Vivianne Miedema (@VivianneMiedema) May 20, 2022
Why leave when you rather stay?❤️#MoreThanReady pic.twitter.com/y0LiY62FQ4