Lífið

Aron Can söng um að kunna ekki að ríma en Bríet um prumpu­lykt

Árni Sæberg skrifar
Bríet veigraði sér ekki við að gera prumpuhljóð í lok lags.
Bríet veigraði sér ekki við að gera prumpuhljóð í lok lags. Stöð 2

Tónlistarfólkið var Bríet og Aron Can voru gestir kvöldsins í skemmtiþættinum Stóra sviðið. Þeim var meðal annars gert að synga sín frægustu lög með nýjum og töluvert öðruvísi textum.

Þátturinn Stóra sviðið er fjölskylduþáttur þar sem skemmtun og afþreying eru í aðalhlutverki.

Steinunn Ólína leggur fyrir þá Auðunn Blöndal og Steinda Jr., fyndnar og fjölbreyttar áskoranir í hverjum þætti.

Í þættinum í kvöld mættu þau Aron Can og Bríet sem gestaþátttakendur, Aron með Steinda í liði og Bríet með Audda.

Eitt verkefna liðanna var að semja nýja texta við lög gestanna. Eðli þáttarins samkvæmt voru þeir í gamansamari kantinum.

Þau Bríet og Auddi sömdu nýjan texta við lag Arons, Flýg upp. Hann ber titilinn Kann ekki að ríma. 

Að sögn Audda var sú hugmynd að hæðast að rímhæfileikum Arons Can undan rifjum Bríetar runnin.

Glæsilegan flutning Arons má sjá í spilaranum hér að neðan:

Þeir Steindi og Aron Can ákváðu að tækla verkefnið á heldur barnalegri máta en Bríet og Auddi. Þeir sóttu innblástur til Prumpulagsins eftir Dr. Gunna og sömdu nýjan texta við Esjuna, eitt frægasta lag Bríetar. Það fékk þátttastjórnanda til að spyrjast fyrir um aldur textahöfunda.

Steindi sagði Esjuna vera eitt fallegasta lag sem nokkurn tímann hefur verið samið. Við leyfum lesendum að skera úr um hvort nýji textinn breyti því. 

Hlýða má á undurfagran flutning Bríetar á laginu Prumpulykt í spilaranum hér að neðan:






Fleiri fréttir

Sjá meira


×