Andrés Ingi Jónsson er fyrsti flutningsmaður nýs frumvarps um lækkun kosningaaldurs niður í 16 ár sem nú hefur verið lagt fram á Alþingi. Meðflutningsmenn Andrésar eru tíu og koma þeir úr öllum stjórnarandstöðuflokkunum nema Miðflokki og Flokki fólksins.
Lækkun kosningaaldurs hefur verið til umræðu í nokkuð langan tíma og er frumvarp Andrésar ekki það fyrsta þess efnis til að lenda á borðum Alþingismanna.
Andrés leggur í frumvarpi sínu til breytingar á 33. grein stjórnarskrá svo að lækkaður aldurinn ætti við um allar kosningar, ekki aðeins sveitarstjórnarkosningum, en til þess þyrfti einungis lagabreytingu.
Segir í tilkynningu Andrésar um málið að frumvarpið sé hugsað til þess að styrkja lýðræðið og það miði að því að bregðast við kröfu ungs fólks um meiri tækifæri til áhrifa. „Rödd ungu kynslóðarinnar er sjálfsagður og ómissandi þáttur í því að bæta lífið í landinu, og með lækkun kosningaaldurs getur stærri hópur ungs fólks haft bein áhrif gegnum kosningar. Þetta myndi jafnframt auðga stjórnmálin með nýjum hugmyndum um leið og þjóðin er að eldast.“