Eldur kom upp í ruslageymslu í Flúðaseli í Breiðholti. Þetta staðfestir varðstjóri slökkviliðsins á höfuðborgarsvæðinu.
Eldsvoðinn var minniháttar, samkvæmt upplýsingum frá slökkviliðinu.
Tunnunni var komið út og var slökkt í eldinum þar. Störfum slökkviliðsins er nú lokið.
Uppfært klukkan 15.33:
Í fréttinni kom fyrst fram að eldur hefði komið upp í kjallara. Síðar kom í ljós að um ruslageymslu hafi verið að ræða.