Enn tapar Everton – markaveisla í Leicester
Setja bókamerki
Nýliðar Brentford unnu nauman sigur gegn Everton þegar liðin mættust í ensku úrvalsdeildinni í knattspyrnu karla í dag. Leicester City vann þá góðan sigur gegn nýliðum Watford í miklum markaleik.
Ivan Toney skoraði eina mark leiksins í 1:0-sigri gegn Everton. Það kom úr vítaspyrnu á 24. mínútu, sem var dæmd eftir að Andros Townsend braut á Frank Onyeka.
Everton hefur nú tapað fimm af síðustu sex leikjum sínum í ensku úrvalsdeildinni.
Mun meira fjör var í leik Leicester og Watford.
James Maddison kom heimamönnum í Leicester á bragðið með laglegu marki eftir rúmlega stundarfjórðungs leik.
Joshua King jafnaði metin fyrir Watford eftir hálftíma leik með marki úr vítaspyrnu áður en Jamie Vardy kom Leicester yfir á ný fjórum mínútum síðar.
Þá vippaði hann boltanum yfir Daniel Bachmann í marki Watford eftir laglega stungusendingu Maddison.
Vardy skoraði svo aftur á 39. mínútu þegar hann var mættur á nærstöngina og sneiddi hornspyrnu Maddison í fjærhornið.
Staðan því 3:1 í hálfleik.
Eftir klukkutíma leik minnkaði hinn funheiti Emmanuel Dennis muninn fyrir Watford þegar hann slap í gegn og vippaði snyrtilega yfir Kasper Schmeichel í marki Leicester.
Síðasta orðið átti þó Leicester. Ademola Lookmann skoraði fjórða markið á 69. mínútu af stuttu færi og tryggði Leicester þar með 4:2 sigur.
Hernaðaraðstoð samþykkt – Vopnasendingar í vikunni
Skiptir miklu meira máli en fólk grunar
„Okkur miðar í rétta átt“
„Á réttri leið en nokkuð í land ennþá“
Veiting hvalveiðileyfis ekki brot á EES-samningi
Skemmtiferðaskip hætt komið nærri Viðey