Ómar Ingi Magnússon, núverandi íþróttamaður ársins og landsliðsmaður, var valinn í úrvalslið ársins í þýsku A-deildinni í handbolta. Þetta er annað árið í röð sem Ómar er valinn í úrvalsliðið.
Liðið er valið samkvæmt ýmsum tölfræðiþáttum sem teknir eru saman eftir hvern leik deildarinnar. Ómar er eini Íslendingurinn í liðinu.
Landsliðsmaðurinn, sem varð þýskur meistari með liði sínu Magdeburg, var næst markahæstur í deildinni með 237 mörk í 33 leikjum. Hann var einnig með þeim stoðsendingahæstu með 124 stoðsendingar.
Lið ársins í heild sinni:
Markvörður: Kevin Möller (Flensburg)
Hægra horn: Hans Óttar Lindberg (Füchse Berlin)
Hægri skytta: Ómar Ingi Magnússon (Magdeburg)
Miðjumaður: Jim Gottfridsson (Flensburg)
Vinstri skytta: Simon Jeppsson (Erlangen)
Vinstra horn Hampus Wanne (Flensburg)
Línumaður: Johannes Golla (Flensburg)