Það er alltaf nóg um að vera hjá Íslendingum í hinum ýmsu deildum Evrópu. Albert Guðmundsson, Jón Guðni Fjóluson, Willum Þór Þórsson og Aron Jóhannsson voru í eldlínunni með sínum liðum í dag.
Albert skoraði og lagði upp fyrir AZ Alkmaar gegn Waalwijk í efstu deild í Hollandi. Hann jafnaði metinn í 1-1 og lagði svo upp þriðja mark liðsins í 1-3 sigri. AZ er í þriðja sæti deildarinnar með 64 stig, jafnmörg stig og PSV í öðru sætinu. Annað sæti gefur þátttökurétt í forkeppni Meistaradeildar Evrópu.
Það var Íslendingaslagur í sænsku úrvalseildinni þegar Hammarby tók á móti Hacken. Lokatölur urðu 1-1. Jón Guðni lék allan leikinn fyrir Hammarby en Valgeir Lunddal Friðriksson sat á varamannabekk Hacken í leiknum. Þetta var fjórði leikur liðanna í deildinni í ár. Hammarby var að vinna sinn fyrsta leik á tímabilinu og er með 4 stig. Hacken er aðeins með 1 stig.
Willum Þór spilaði fyrri hálfleikinn fyrir BATE í 1-0 sigri gegn Smorgon í efstu deildinni í Hvíta-Rússlandi. Sjö umferðum er lokið í deildinni og er BATE í öðru sæti með 17 stig, 4 stigum frá toppnum.
Aron Jóhannsson var í byrjunarliði Lech Poznan og spilaði 65 mínútur í 1-2 tapi gegn Stal Mielec í pólsku úrvalsdeildinni. Öll mörkin komu í lok leiks og því mikil dramatík. Lech er í tíunda sæti deildarinnar.