Afskrifaði 194 milljóna skuld Leicester
Setja bókamerki
Aiyawatt Srivaddhanaprabha, stjórnarformaður enska knattspyrnufélagsins Leicester City, hefur ákveðið að afskrifa skuldir félagsins til King Power International, eiganda þess. Srivaddhanaprabha-fjölskyldan á KPI.
Ekki var um neina smápeninga að ræða heldur 194 milljónir punda.
Skuld þessi hefur hangið yfir Leicester í nokkurn tíma og gert karlaliðinu erfitt fyrir, ekki síst á leikmannamarkaðnum þar sem liðið hefur ekki farið mikinn undanfarið ár.
Aðeins einn leikmaður, Wout Faes, var keyptur síðastliðið sumar en tveir varnarmenn, Harry Souttar og Victor Kristiansen, voru keyptir í janúarglugganum án þess að þörf hafi verið á því að selja aðra leikmenn fyrst, líkt og var raunin síðasta sumar þegar Wesley Fofana var seldur til Chelsea fyrir 70 milljónir punda.
Srivaddhanaprabha sagði í tilkynningu að ástæðan fyrir afskrift skuldarinnar væri fyrst og fremst sú að tryggja það að hagur félagsins yrði sem vænstur til framtíðar.
Markmiðið að borða kíló af sykri
Launamunur of lítill í landinu
Ekki auglýstur ferðamannastaður
„Óafturkræfar“ skemmdir á fornleifum í Laugarnesi
Eldgosin tafið vaxtalækkanir um 6 til 12 mánuði
Kristrún segir Víði eiga frumkvæðið
Á adamsklæðum í hundruðum líkamsleita