Tíu hlutu minni háttar áverka í skotárás á skemmtistað í suðurhluta Ítalíu snemma morguns á miðvikudag.
Lögregla handtók skotmanninn, sem hóf skothríð eftir áflog sem brutust út upp úr klukkan 2 í nótt á skemmtistaðnum sem er nærri Taranto. Um 300 háskólanemar voru á staðnum þegar atvikið átti sér stað.
Hinir særðu voru skotnir í fæturna eftir ryskingarnar. Enginn slasaðist lífshættulega.