„Við erum bara eins og litlir smástrákar“ Hjörtur Leó Guðjónsson skrifar 20. október 2021 21:35 Halldór Jóhann Sigfússon, þjálfari Selfyssinga, var vægast satt ósáttur við frammistöðu sinna manna í kvöld. Vísir/Hulda Margrét Halldór Jóhann Sigfússon, þjálfari Selfyssinga, var virkilega ósáttur við spilamennsku sinna manna í kvöld er liðið tapaði gegn Stjörnunni í Olís-deild karla, 25-20. Hann segist vera í hálfgerðu sjokki eftir leikinn. „Ég veit eiginlega bara ekki hvað ég á að segja. Ég er bara í hálfgerðu sjokki sjálfur,“ sagði Halldór Jóhann að leik loknum. „Þetta Stjörnulið sem mætti hérna í dag og miðað við það sem vantar hjá þeim, auðvitað vantar hjá okkur líka, en mér finnst við bara eiga að vinna þetta lið hérna á heimavelli. Alveg klárlega.“ „Við erum yfir 10-5 og ég í rauninni átta mig ekki á framhaldinu. Það er einn tekinn úr umferð, við förum í sjö á sex og það er samt einn tekinn úr umferð þannig að við erum sex á fimm. Við gerum svo mikið af gloríum og við erum svo hræddir. Við erum bara eins og klofinn persónuleiki.“ „Ef við ætlum að bera saman sóknarleikinn okkar í leiknum á móti slóvenska liðinu um helgina og svo þetta, hvað menn buðu upp á í ákvarðanatöku í dag, ég eiginlega bara skil það ekki. Auðvitað erum við í vandræðum og það vantar inn í liðið, en það er ekkert nýtt fyrir okkur. Ég veit eiginlega ekki hvað ég á að segja og ég er bara í hálfgerðu sjokki með 45 mínútur af leiknum.“ Eins og Halldór nefndi þá náðu Selfyssingar góðu forskoti í upphafi leiks. Sóknarleikur liðsins var góður og gestirnir áttu í miklum vandræðum með að finna lausnir á varnarleik heimamanna. Selfyssingar skoruðu svo aðeins eitt mark á seinustu tólf mínútum fyrri hálfleiks og fundu taktinn aldrei í seinni hálfleik. Halldór segir að menn taki ekki ábyrgð á því sem þeir eru að gera inni á vellinum. „Við bara tökum ekki ábyrgð. Hver og einn bara leitar á næsta mann og það er alltaf eitthvað að hjá næsta manni í staðinn fyrir að menn taki ábyrgð á því sem þeir eru að gera inni á vellinum.“ „Það er bara það sem gerðist núna og það hefur alveg gerst áður. Þetta er ekkert í fyrsta sinn sem þetta gerist og alveg örugglega ekki það síðasta.“ „En það er bara ekki í boði að við getum verið bara eins og klofinn persónuleiki á milli leikja. Þetta er í raun og veru svakalegt að upplifa þetta í leiknum og hvernig við verðum á kafla hlaupandi um eins og hauslausar hænur.“ „Við erum hérna út um allan völl að reyna að gera hlutina eins hratt og við getum, missum alla yfirsýn, en erum samt einum fleiri. Við ætlum einhvern veginn að þvinga allt fram, sama hvað er búið að tala um hlutina. Við bara lokumst og verðum hræddir og þegar við verðum hræddir þá hættum við að horfa á markið og hugsa skýrt.“ Eins og áður hefur komið fram vantar mikið í lið Selfyssinga og liðið hefur aðeins fengið tvö stig úr fyrstu fimm leikjum sínum. Halldór segir að hægt sé að tala um krísu, allavega í þessum leik. „Ég myndi segja að þessi leikur hafi verið alveg ótrúleg krísa. Það er í rauninni magnað að við skulum geta, hérna á heimavelli, boðið upp á þennan leik.“ „Það voru bara alls konar leikmenn sem komu inn á hjá Stjörnuliðinu sem voru bara eins og snillingar fyrir framan okkur.“ „Við tökum varla góða ákvörðun síðustu 45 mínúturnar og við gerum alveg ótrúlega mikið af mistökum. Þegar við fáum færi þá skorum við ekki fram hjá markmanninum. Við erum bara eins og litlir smástrákar í leiknum. Það er leiðinlegt að segja það er bara þannig. Við vorum eins og fimmti flokkur að spila á móti meistaraflokki.“ Selfyssingar fara til Slóveníu um helgina þar sem að liðið tekur þátt í Evrópukeppni, en Halldór segir það ekki hans verk að gíra menn upp í þann leik. „Þú ert hérna leikmaður í meistaraflokki, á hæsta „leveli“ á Íslandi, og þá má það ekki vera þannig að þjálfarinn eigi að mæta inn í klefa að peppa menn eitthvað upp. Þegar menn horfa á þennan leik og sjá eigin frammistöðu, ef þú ert alvöru íþróttamaður þá hlýturðu að mæta eins og maður til baka. Það er bara þannig.“ „Við vorum ekki alvöru íþróttamenn hérna í leiknum. Við vorum ekki klókir, við börðumst kannski allan tímann, en það vantaði bara alla hugsun hjá okkur alveg ótrúlega stóran part af leiknum.“ „Þetta var svona svipað eins og Gróttuleikurinn hérna í fyrra þar sem við í raun og veru verðum bara eins og smástrákar.“ Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði. Olís-deild karla UMF Selfoss Tengdar fréttir Leik lokið: Selfoss - Stjarnan 20-25 | Stjarnan enn með fullt hús stiga Stjarnan er enn með fullt hús stiga eftir nokkuð sannfærandi fimm marka sigur gegn Selfyssingum í Set-höllinni á Selfossi, 25-20. 20. október 2021 22:26 Mest lesið Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Handbolti Guðni stal senunni í Smáranum: „Sástu forsetann þarna?“ Körfubolti Heillaóskum rigndi yfir fimmtán ára hetju Fram í skólanum Íslenski boltinn Fengið nóg af því að vera ruslakista fyrir viðbjóð frá fólki Körfubolti „Ansi erfitt fyrir Grindvíkinga að hann hagi sér svona og fái mögulega leikbann“ Körfubolti Uppgjörið, viðtöl og myndir: Stjarnan - Keflavík 85-82 | Hvolpasveitin jafnaði einvígið Körfubolti Óheflaði Eyjapeyinn Kári Kristján: „Töpum aldrei í vítakeppnum“ Handbolti Remy Martin ekki meira með í þessari úrslitakeppni Körfubolti „Vestri hefur verið að taka leikhlé“ Íslenski boltinn Ómar Ingi skaut Evrópumeisturunum áfram eftir vítakeppni Handbolti Fleiri fréttir Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sjá meira
„Ég veit eiginlega bara ekki hvað ég á að segja. Ég er bara í hálfgerðu sjokki sjálfur,“ sagði Halldór Jóhann að leik loknum. „Þetta Stjörnulið sem mætti hérna í dag og miðað við það sem vantar hjá þeim, auðvitað vantar hjá okkur líka, en mér finnst við bara eiga að vinna þetta lið hérna á heimavelli. Alveg klárlega.“ „Við erum yfir 10-5 og ég í rauninni átta mig ekki á framhaldinu. Það er einn tekinn úr umferð, við förum í sjö á sex og það er samt einn tekinn úr umferð þannig að við erum sex á fimm. Við gerum svo mikið af gloríum og við erum svo hræddir. Við erum bara eins og klofinn persónuleiki.“ „Ef við ætlum að bera saman sóknarleikinn okkar í leiknum á móti slóvenska liðinu um helgina og svo þetta, hvað menn buðu upp á í ákvarðanatöku í dag, ég eiginlega bara skil það ekki. Auðvitað erum við í vandræðum og það vantar inn í liðið, en það er ekkert nýtt fyrir okkur. Ég veit eiginlega ekki hvað ég á að segja og ég er bara í hálfgerðu sjokki með 45 mínútur af leiknum.“ Eins og Halldór nefndi þá náðu Selfyssingar góðu forskoti í upphafi leiks. Sóknarleikur liðsins var góður og gestirnir áttu í miklum vandræðum með að finna lausnir á varnarleik heimamanna. Selfyssingar skoruðu svo aðeins eitt mark á seinustu tólf mínútum fyrri hálfleiks og fundu taktinn aldrei í seinni hálfleik. Halldór segir að menn taki ekki ábyrgð á því sem þeir eru að gera inni á vellinum. „Við bara tökum ekki ábyrgð. Hver og einn bara leitar á næsta mann og það er alltaf eitthvað að hjá næsta manni í staðinn fyrir að menn taki ábyrgð á því sem þeir eru að gera inni á vellinum.“ „Það er bara það sem gerðist núna og það hefur alveg gerst áður. Þetta er ekkert í fyrsta sinn sem þetta gerist og alveg örugglega ekki það síðasta.“ „En það er bara ekki í boði að við getum verið bara eins og klofinn persónuleiki á milli leikja. Þetta er í raun og veru svakalegt að upplifa þetta í leiknum og hvernig við verðum á kafla hlaupandi um eins og hauslausar hænur.“ „Við erum hérna út um allan völl að reyna að gera hlutina eins hratt og við getum, missum alla yfirsýn, en erum samt einum fleiri. Við ætlum einhvern veginn að þvinga allt fram, sama hvað er búið að tala um hlutina. Við bara lokumst og verðum hræddir og þegar við verðum hræddir þá hættum við að horfa á markið og hugsa skýrt.“ Eins og áður hefur komið fram vantar mikið í lið Selfyssinga og liðið hefur aðeins fengið tvö stig úr fyrstu fimm leikjum sínum. Halldór segir að hægt sé að tala um krísu, allavega í þessum leik. „Ég myndi segja að þessi leikur hafi verið alveg ótrúleg krísa. Það er í rauninni magnað að við skulum geta, hérna á heimavelli, boðið upp á þennan leik.“ „Það voru bara alls konar leikmenn sem komu inn á hjá Stjörnuliðinu sem voru bara eins og snillingar fyrir framan okkur.“ „Við tökum varla góða ákvörðun síðustu 45 mínúturnar og við gerum alveg ótrúlega mikið af mistökum. Þegar við fáum færi þá skorum við ekki fram hjá markmanninum. Við erum bara eins og litlir smástrákar í leiknum. Það er leiðinlegt að segja það er bara þannig. Við vorum eins og fimmti flokkur að spila á móti meistaraflokki.“ Selfyssingar fara til Slóveníu um helgina þar sem að liðið tekur þátt í Evrópukeppni, en Halldór segir það ekki hans verk að gíra menn upp í þann leik. „Þú ert hérna leikmaður í meistaraflokki, á hæsta „leveli“ á Íslandi, og þá má það ekki vera þannig að þjálfarinn eigi að mæta inn í klefa að peppa menn eitthvað upp. Þegar menn horfa á þennan leik og sjá eigin frammistöðu, ef þú ert alvöru íþróttamaður þá hlýturðu að mæta eins og maður til baka. Það er bara þannig.“ „Við vorum ekki alvöru íþróttamenn hérna í leiknum. Við vorum ekki klókir, við börðumst kannski allan tímann, en það vantaði bara alla hugsun hjá okkur alveg ótrúlega stóran part af leiknum.“ „Þetta var svona svipað eins og Gróttuleikurinn hérna í fyrra þar sem við í raun og veru verðum bara eins og smástrákar.“ Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.
Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.
Olís-deild karla UMF Selfoss Tengdar fréttir Leik lokið: Selfoss - Stjarnan 20-25 | Stjarnan enn með fullt hús stiga Stjarnan er enn með fullt hús stiga eftir nokkuð sannfærandi fimm marka sigur gegn Selfyssingum í Set-höllinni á Selfossi, 25-20. 20. október 2021 22:26 Mest lesið Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Handbolti Guðni stal senunni í Smáranum: „Sástu forsetann þarna?“ Körfubolti Heillaóskum rigndi yfir fimmtán ára hetju Fram í skólanum Íslenski boltinn Fengið nóg af því að vera ruslakista fyrir viðbjóð frá fólki Körfubolti „Ansi erfitt fyrir Grindvíkinga að hann hagi sér svona og fái mögulega leikbann“ Körfubolti Uppgjörið, viðtöl og myndir: Stjarnan - Keflavík 85-82 | Hvolpasveitin jafnaði einvígið Körfubolti Óheflaði Eyjapeyinn Kári Kristján: „Töpum aldrei í vítakeppnum“ Handbolti Remy Martin ekki meira með í þessari úrslitakeppni Körfubolti „Vestri hefur verið að taka leikhlé“ Íslenski boltinn Ómar Ingi skaut Evrópumeisturunum áfram eftir vítakeppni Handbolti Fleiri fréttir Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sjá meira
Leik lokið: Selfoss - Stjarnan 20-25 | Stjarnan enn með fullt hús stiga Stjarnan er enn með fullt hús stiga eftir nokkuð sannfærandi fimm marka sigur gegn Selfyssingum í Set-höllinni á Selfossi, 25-20. 20. október 2021 22:26
Uppgjörið, viðtöl og myndir: Stjarnan - Keflavík 85-82 | Hvolpasveitin jafnaði einvígið Körfubolti
Uppgjörið, viðtöl og myndir: Stjarnan - Keflavík 85-82 | Hvolpasveitin jafnaði einvígið Körfubolti