Handknattleiksmennirnir Bjarki Már Elísson og Viggó Kristjánsson voru markahæstir í sínum liðum í kvöld en þrír leikir voru á dagskrá í efstu deild í Þýskalandi.
Göppingen og Lemgo gerðu jafntefli 28:28 og var Bjarki markahæstur hjá Lemgo með 7 mörk en Janus Daði Smárason skoraði 3 mörk fyrir Göppingen.
Viggó var markahæstur hjá Stuttgart þegar liðið vann Leipzig 30:24 og skoraði 7 mörk gegn sínu gamla liði. Elvar Ásgeirsson skoraði ekki fyrir Stuttgart en kom við sögu í leiknum.
Þá gerðu Ludwigshafen og Hannover-Burgdord jafntefli 27:27.