Úkraínski miðju­maðurinn Myk­hailo Mudryk, einn af nýjustu leik­mönnum Chelsea hefur beðist af­sökunar á því að hafa notað N-orðið í mynd­bandi til stuðnings­manna sinna.

Ekki er langt síðan að Mudryk gekk til liðs við Chelsea frá Shak­htar Do­netsk á rúmar 88 milljónir punda og í kjöl­farið beindist kast­ljósið meira að honum.

Um­rætt mynd­band birtist á TikTok í júlí á síðasta ári og horft hefur verið á það yfir 214 þúsund sinnum að sögn The Sun.

Tals­menn Mudryk segja hann hafa verið að vitna í texta við lagið Free­sty­le eftir Lil Baby.

,,Mudryk er miður sín á því að hafa sært ein­hverja í mynd­bandinu… Ætlun hans var ein­göngu að vitna í texta um­rædds lags en hann sér eftir þeirri á­kvörðun og gengst við því að þetta hafi ekki verið við­eig­andi. Mynd­bandið hefur nú verið fjar­lægt.“

Kick It Out sam­tökin, sem berjast gegn kyn­þátta­níð í knatt­spyrnu­heiminum, for­dæma alla notkun N-orðsins.

„N-orðið er mjög móðgandi og notkun á þessu hug­taki af hátt settum mönnum í knatt­spyrnu­heiminum verður að­eins til þess að fólk verði úti­lokað frá leiknum.“