Í dag hafa landsmenn endurhlaðið helstu fjölmiðla landsins síendurtekið í von um frekar upplýsingar um hvort gripið verður til hertari aðgerða hér á landi vegna Covid-19.
Alls greindust 56 einstaklingar hér innanlands með veiruna í gær og ljóst er að staðan hefur verið mun betri. Óttast margir að útihátíðunum sem eiga að fara fram um Verslunarmannahelgina verði aflýst en lítið hefur verið um upplýsingar í dag.
Svo virðist þó vera sem varpað verði einhverju ljósi á stöðuna á morgun en almannavarnadeild ríkislögreglustjóra og embætti landlæknis hafa boðað til upplýsingafundar á morgun, fimmtudaginn 22. júlí, klukkan 11:00.
Á fundinum fara Þórólfur Guðnason, sóttvarnalæknir og Víði Reynisson yfirlögregluþjónn almannavarna yfir stöðu mála varðandi framgang faraldursins hér á landi síðastliðna daga.