Leikmenn sem gætu verið bestir í þeirri Bestu Ingvi Þór Sæmundsson skrifar 24. mars 2023 09:00 Verður einhver af þessum leikmönnum valinn besti leikmaður Bestu-deildar karla? grafík/hjalti Tæpur mánuður er þar til keppni í Bestu deild karla í fótbolta hefst á ný. En hvaða leikmenn eru líklegir til að vera valdir bestu leikmenn Bestu deildarinnar? Vísir fer yfir tíu kandítata til þeirra verðlauna. Frederik Schram (Valur) Frederik spilaði frábærlega eftir að hann kom inn í lið Vals um mitt síðasta tímabil. Búast má við því að sumarið í ár verði enn betra hjá sjö landsleikja manninum. Lið undir stjórn Arnars Grétarssonar fá ekki mörg mörk á sig og Valur hefur gert gott betur í Lengjubikarnum og ekki fengið á sig mark þar. Það er enginn hægðarleikur fyrir andstæðinga Vals að komast í gegnum sterka vörn liðsins og þegar það tekst þarf að finna leiðina framhjá hinum stóra og stæðilega Frederik sem er hægara sagt en gert. Höskuldur Gunnlaugsson (Breiðablik) Fyrirliði Íslandsmeistarana átti stórgott tímabil í fyrra og virðist geta orðið enn betri. Hefur spilað sem hægri bakvörður síðustu ár en það er bara á pappírnum. Hann er úti um allt og getur spilað tvær til þrjár stöður í sama leiknum. Gríðarlega mikilvægur í sóknarleik Breiðabliks, óhemju duglegur og klókur fótboltamaður. Var valinn besti ungi leikmaðurinn 2015. Fær hann stóru einstaklingsverðlaunin í lok sumars? Dusan Brkovic (KA) KA-menn duttu heldur betur í lukkupottinum þegar þeir fengu Dusan fyrir tveimur árum. Síðan þá hefur hann ekki bara verið einn allra besti varnarmaður Bestu deildarinnar heldur einn besti leikmaður hennar heilt yfir. Serbinn er gríðarlega yfirvegaður, skynsamur, hraustur og gerir allt til að verja markið sitt. Er vissulega kominn á seinni hluta ferilsins (34 ára) en virðist ekkert gefa eftir og ætti að geta nýst KA áfram vel. Aron Jóhannsson (Valur) Enginn leikmaður í Bestu deildinni er með viðlíka ferilskrá og Aron. Hann hefur spilað á HM og verið í hópi markahæstu manna í Danmörku, Hollandi og Svíþjóð. Meiðsli hafa hins vegar gert þessum hæfileikaríka leikmanni erfitt fyrir og haldið honum frá keppni löngum stundum. Aron spilaði tuttugu leiki með Val á síðasta tímabili og skoraði sjö mörk. Vonandi fyrir hann, Val og alla fótboltaunnendur verða leikirnir fleiri í sumar. Jason Daði Svanþórsson (Breiðablik) Stuðulinn á að Jason verði næsti leikmaðurinn í Bestu deildinni sem verður seldur í atvinnumennsku er ekkert rosalega hár. Jason var frábær á hægri kantinum í meistaraliði Breiðabliks á síðasta tímabili, skoraði ellefu mörk og lagði upp níu og átti auk þess níu hjálparsendingar. Hann gæti orðið enn betri í sumar og það er ekki spurning hvort heldur hvenær Mosfellingurinn reynir fyrir sér í sterkari deild. Danijel Dejan Djuric (Víkingur) Annar leikmaður sem fer að öllum líkindum út í atvinnumennsku áður en langt um líður. Danijel kom heim í byrjun síðasta tímabils og gekk í raðir Víkings. Hann fann sig vel í rauðu og svörtu treyjunni og leysti hinar ýmsu stöður hjá bikarmeisturunum. Danijel skoraði fimm mörk og gaf þrjár stoðsendingar í Bestu deildinni í fyrra og ætlar eflaust að gera betur í þeim efnum í sumar. Gríðarlega skemmtilegur og leikinn framherji. Eiður Aron Sigurbjörnsson (ÍBV) Kannski besti leikmaður deildarinnar sem leikur ekki með toppliðunum. Eiður varð Íslandsmeistari með Val 2017 og 2018 en sneri aftur til Eyja fyrir tímabilið 2021. Hjálpaði ÍBV að komast upp úr Lengjudeildinni og svo að halda sér nokkuð þægilega í Bestu deildinni í fyrra. Frábær varnarmaður, snöggur, sterkur í návígum og vel spilandi. Fyrirliði ÍBV og langlanglangmikilvægasti leikmaður liðsins. Gísli Eyjólfsson (Breiðablik) Gísli átti frábært tímabil í fyrra og var einn besti leikmaður Bestu deildarinnar. Hann var í öðruvísi hlutverki en síðustu ár, spilaði aðeins aftar og var ekki jafn áberandi framarlega á vellinum og oftast áður. Gísli leysti samt þetta nýja hlutverk með miklum bravúr og sýndi enn og aftur hversu öflugur leikmaður hann er. Getur hann tekið enn eitt skrefið fram á við í sumar? Hólmar Örn Eyjólfsson (Valur) Hólmar sneri heim fyrir síðasta tímabil eftir mörg ár í atvinnumennsku og gekk í raðir Vals. Byrjaði ágætlega en gaf svo eftir eins og flestir leikmenn Vals. Hólmar ætti að svara fyrir sig í sumar og frammistaðan á undirbúningstímabilinu hefur lofað góðu. Sem fyrr sagði hafa Valsmenn ekki fengið á sig mark í Lengjubikarnum og varnarleikurinn virðist ætla að vera þeirra ær og kýr í sumar. Það ætti að henta Hólmari vel. Patrik Johannesen (Breiðablik) Færeyski framherjinn sló í gegn með Keflavík á síðasta tímabili og skoraði tólf mörk í 22 deildarleikjum. Frammistaða hans vakti meðal annars athygli Íslandsmeistara Breiðabliks sem keyptu hann. Allt bendir til þess að Patrik verði fremsti leikmaður í byrjunarliði Blika og það verður áhugavert að sjá hvernig hann spjarar sig í betra liði og í meiri samkeppni. Besta deild karla Mest lesið Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Fengið nóg af því að vera ruslakista fyrir viðbjóð frá fólki Körfubolti Bucks í sögubækurnar eftir sigurinn á Pacers Körfubolti Dortmund leiðir þökk sé þrumuskoti Füllkrug Fótbolti Segir aðeins þau hlutlausu hafa skemmt sér yfir fótbolta Ten Hag Enski boltinn „Féllu dómar í dag sem voru að mér fannst ansi augljósir“ Handbolti Elín Jóna færir sig á milli félaga á Jótlandi Handbolti Óheflaði Eyjapeyinn Kári Kristján: „Töpum aldrei í vítakeppnum“ Handbolti Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Handbolti Fleiri fréttir FH fékk tvær sektir frá KSÍ Heillaóskum rigndi yfir fimmtán ára hetju Fram í skólanum „Vestri hefur verið að taka leikhlé“ „Þú veist alveg svarið við þessu“ Víkingar bjóða Grindvíkingum í Víkina á morgun Félögin sömdu um að banna Sigurbergi að spila Gáttaðar á því að fyrirliði Víkings var settur á bekkinn Guy Smit sendir frá sér afsökunarbeiðni Keflavík og Aftureldingu spáð sigri í Lengjudeildunum Bara Eiður Smári og Bjargvætturinn höfðu skorað fyrir sextán ára afmælið Sjáðu ungar hetjur bjarga Fram og Stjörnunni Hundfúll og ýtti ungum KR-krökkum frá sér: „Ekki fallegt að sjá“ Valur sýndi Berglindi meiri áhuga en Breiðablik „Við eigum að geta varist föstum leikatriðum“ „Það er mikill efniviður í Fram“ Uppgjör, viðtöl og myndir: Valur - Fram 1-1 | Ungir Framarar halda áfram að stela senunni Uppgjör og viðtöl: Fylkir - Stjarnan 0-1 | Stjörnumenn stálu öllum stigunum „Nú verður Edda brjáluð þegar ég hitti hana næst“ Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum „Veit ekki af hverju ég ætti að vera að láta mig detta“ Uppgjör: Víkingur - KA 4-2 | Ekkert fær meistarana stöðvað Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann Sjá meira
Frederik Schram (Valur) Frederik spilaði frábærlega eftir að hann kom inn í lið Vals um mitt síðasta tímabil. Búast má við því að sumarið í ár verði enn betra hjá sjö landsleikja manninum. Lið undir stjórn Arnars Grétarssonar fá ekki mörg mörk á sig og Valur hefur gert gott betur í Lengjubikarnum og ekki fengið á sig mark þar. Það er enginn hægðarleikur fyrir andstæðinga Vals að komast í gegnum sterka vörn liðsins og þegar það tekst þarf að finna leiðina framhjá hinum stóra og stæðilega Frederik sem er hægara sagt en gert. Höskuldur Gunnlaugsson (Breiðablik) Fyrirliði Íslandsmeistarana átti stórgott tímabil í fyrra og virðist geta orðið enn betri. Hefur spilað sem hægri bakvörður síðustu ár en það er bara á pappírnum. Hann er úti um allt og getur spilað tvær til þrjár stöður í sama leiknum. Gríðarlega mikilvægur í sóknarleik Breiðabliks, óhemju duglegur og klókur fótboltamaður. Var valinn besti ungi leikmaðurinn 2015. Fær hann stóru einstaklingsverðlaunin í lok sumars? Dusan Brkovic (KA) KA-menn duttu heldur betur í lukkupottinum þegar þeir fengu Dusan fyrir tveimur árum. Síðan þá hefur hann ekki bara verið einn allra besti varnarmaður Bestu deildarinnar heldur einn besti leikmaður hennar heilt yfir. Serbinn er gríðarlega yfirvegaður, skynsamur, hraustur og gerir allt til að verja markið sitt. Er vissulega kominn á seinni hluta ferilsins (34 ára) en virðist ekkert gefa eftir og ætti að geta nýst KA áfram vel. Aron Jóhannsson (Valur) Enginn leikmaður í Bestu deildinni er með viðlíka ferilskrá og Aron. Hann hefur spilað á HM og verið í hópi markahæstu manna í Danmörku, Hollandi og Svíþjóð. Meiðsli hafa hins vegar gert þessum hæfileikaríka leikmanni erfitt fyrir og haldið honum frá keppni löngum stundum. Aron spilaði tuttugu leiki með Val á síðasta tímabili og skoraði sjö mörk. Vonandi fyrir hann, Val og alla fótboltaunnendur verða leikirnir fleiri í sumar. Jason Daði Svanþórsson (Breiðablik) Stuðulinn á að Jason verði næsti leikmaðurinn í Bestu deildinni sem verður seldur í atvinnumennsku er ekkert rosalega hár. Jason var frábær á hægri kantinum í meistaraliði Breiðabliks á síðasta tímabili, skoraði ellefu mörk og lagði upp níu og átti auk þess níu hjálparsendingar. Hann gæti orðið enn betri í sumar og það er ekki spurning hvort heldur hvenær Mosfellingurinn reynir fyrir sér í sterkari deild. Danijel Dejan Djuric (Víkingur) Annar leikmaður sem fer að öllum líkindum út í atvinnumennsku áður en langt um líður. Danijel kom heim í byrjun síðasta tímabils og gekk í raðir Víkings. Hann fann sig vel í rauðu og svörtu treyjunni og leysti hinar ýmsu stöður hjá bikarmeisturunum. Danijel skoraði fimm mörk og gaf þrjár stoðsendingar í Bestu deildinni í fyrra og ætlar eflaust að gera betur í þeim efnum í sumar. Gríðarlega skemmtilegur og leikinn framherji. Eiður Aron Sigurbjörnsson (ÍBV) Kannski besti leikmaður deildarinnar sem leikur ekki með toppliðunum. Eiður varð Íslandsmeistari með Val 2017 og 2018 en sneri aftur til Eyja fyrir tímabilið 2021. Hjálpaði ÍBV að komast upp úr Lengjudeildinni og svo að halda sér nokkuð þægilega í Bestu deildinni í fyrra. Frábær varnarmaður, snöggur, sterkur í návígum og vel spilandi. Fyrirliði ÍBV og langlanglangmikilvægasti leikmaður liðsins. Gísli Eyjólfsson (Breiðablik) Gísli átti frábært tímabil í fyrra og var einn besti leikmaður Bestu deildarinnar. Hann var í öðruvísi hlutverki en síðustu ár, spilaði aðeins aftar og var ekki jafn áberandi framarlega á vellinum og oftast áður. Gísli leysti samt þetta nýja hlutverk með miklum bravúr og sýndi enn og aftur hversu öflugur leikmaður hann er. Getur hann tekið enn eitt skrefið fram á við í sumar? Hólmar Örn Eyjólfsson (Valur) Hólmar sneri heim fyrir síðasta tímabil eftir mörg ár í atvinnumennsku og gekk í raðir Vals. Byrjaði ágætlega en gaf svo eftir eins og flestir leikmenn Vals. Hólmar ætti að svara fyrir sig í sumar og frammistaðan á undirbúningstímabilinu hefur lofað góðu. Sem fyrr sagði hafa Valsmenn ekki fengið á sig mark í Lengjubikarnum og varnarleikurinn virðist ætla að vera þeirra ær og kýr í sumar. Það ætti að henta Hólmari vel. Patrik Johannesen (Breiðablik) Færeyski framherjinn sló í gegn með Keflavík á síðasta tímabili og skoraði tólf mörk í 22 deildarleikjum. Frammistaða hans vakti meðal annars athygli Íslandsmeistara Breiðabliks sem keyptu hann. Allt bendir til þess að Patrik verði fremsti leikmaður í byrjunarliði Blika og það verður áhugavert að sjá hvernig hann spjarar sig í betra liði og í meiri samkeppni.
Besta deild karla Mest lesið Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Fengið nóg af því að vera ruslakista fyrir viðbjóð frá fólki Körfubolti Bucks í sögubækurnar eftir sigurinn á Pacers Körfubolti Dortmund leiðir þökk sé þrumuskoti Füllkrug Fótbolti Segir aðeins þau hlutlausu hafa skemmt sér yfir fótbolta Ten Hag Enski boltinn „Féllu dómar í dag sem voru að mér fannst ansi augljósir“ Handbolti Elín Jóna færir sig á milli félaga á Jótlandi Handbolti Óheflaði Eyjapeyinn Kári Kristján: „Töpum aldrei í vítakeppnum“ Handbolti Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Handbolti Fleiri fréttir FH fékk tvær sektir frá KSÍ Heillaóskum rigndi yfir fimmtán ára hetju Fram í skólanum „Vestri hefur verið að taka leikhlé“ „Þú veist alveg svarið við þessu“ Víkingar bjóða Grindvíkingum í Víkina á morgun Félögin sömdu um að banna Sigurbergi að spila Gáttaðar á því að fyrirliði Víkings var settur á bekkinn Guy Smit sendir frá sér afsökunarbeiðni Keflavík og Aftureldingu spáð sigri í Lengjudeildunum Bara Eiður Smári og Bjargvætturinn höfðu skorað fyrir sextán ára afmælið Sjáðu ungar hetjur bjarga Fram og Stjörnunni Hundfúll og ýtti ungum KR-krökkum frá sér: „Ekki fallegt að sjá“ Valur sýndi Berglindi meiri áhuga en Breiðablik „Við eigum að geta varist föstum leikatriðum“ „Það er mikill efniviður í Fram“ Uppgjör, viðtöl og myndir: Valur - Fram 1-1 | Ungir Framarar halda áfram að stela senunni Uppgjör og viðtöl: Fylkir - Stjarnan 0-1 | Stjörnumenn stálu öllum stigunum „Nú verður Edda brjáluð þegar ég hitti hana næst“ Áfall fyrir Vestra: Eiður Aron brotinn og lengi frá Fyrstir í sautján ár til að vinna fjóra fyrstu leikina tvö ár í röð Tvær skráðar með sama númer á skýrslu og sú rétta fékk ekki markið Saman á ný eftir súrrealískan dag: „Við erum eins og lím við hvorn annan“ Sjáðu dramatíkina í fyrsta grasleiknum á KR-vellinum og öll hin mörkin „Mér leið eins og ég væri í Keanu Reeves mynd“ „Röng ákvörðun af minni hálfu og ég tek fulla ábyrgð“ Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum „Veit ekki af hverju ég ætti að vera að láta mig detta“ Uppgjör: Víkingur - KA 4-2 | Ekkert fær meistarana stöðvað Davíð Smári: Ekki okkar besta frammistaða Uppgjör og viðtöl: ÍA-FH 1-2 | FH-ingar sóttu sigur á Skagann Sjá meira